اقتراح مهم

السلام عليكم كيفكن يا أحلى نجوانيين بالعالم؟كيف رضاكم عليي وعلى مساهماتي؟بدي أسألكن شو رأيكن نعمل قسم بالمنتدى بعنوان (وطنيات أو الأوطان...) وبيتضمن هالقسم كل شي بيتعلق بالعالم العربي,وهالقسم كمان بيحتوي على أقسام متل(قسم للأغاني الوطنية,قسم لصور البلدان العربية,قسم للمصطلحات العربية,...),يعني مثلا أنا من لبنان بنزل على هيدا القسم كل شي بيتعلق بلبنان(أغاني لبنانية,صور عن لبنان,مصطلحات لبنانية,...)ومثلا في غيري من سوريا بينزل متلي بس عن بلدو(سوريا),وفي غيري كمان من السعودية,الأردن,تونس,...هيك منتقرب أكتر من بعضنا ومنعرف تراث كل بلد وبماذا يتمثل كل بلد,وهيك منكون عملنا خطوة مهمة بهالمنتدى لأنوا نحنا بحاجة لنتعرف على تراث وحضارات العالم العربي,وبنفس الوقت بتكون محبتنا للوطن العربي متل محبة الملكة نجوى كرم للوطن العربي,يا ريت تجاوبوني وان شاء الله الفكرة تعجبكم وأن بتمنى النجاح والاستمرار الدائم لهذا المنتدى الرااااااااااااااااااااااااااااااااااااااااائع وشكرا تحياتي لجميع من بهذا المنتدى

فكرتك بتجنن يا رايدن ونتمنى من المشرفين عالمنتدى ينفذلونا هالأقتراح

شكرا الك يا الوفيي بتمنى كل الأعضاء يشوفوها وتعجبهن الفكرة

وأنا حبيت الفكره بس أنا مافيني نفذ الطلب بدووون موافقة الإدارة بشكل كامل


بس يعطيكي الف عافية رايدن لأنك فكرتي بهالشي حلووو ونشاء الله منفذو

فكرة جميلة جدا احنة معاك

سلام ريدان اهلا و سهلا فيك بالمنتدى و ببلد طيب مثل لبنان بنحبو كثير
الفكرة منيحة رغم انو في اقسام تقريبا نقدر نحط فيها هيك مواضيع بس نعم فكرة منيحة تكون مخصصة هيك للوطنيات و تقاليد و اغني و هيك شيئ شكرا على الفكرة

شكرا الك يا وحدة من خلق ربي بس يمكن ما وافقت الادارة على الفكرة أو عم يفكروا فيها والله ما بعرف بس يعطيكي العافية على كل حال