ليت نــار المحبــة .. بالمحاني تشب
دام حزني نسيـــم .. وذكرياتي جمر
وليت كل الخلايق لا تمادت .. تحب
كان شفت المســاء ساجد سجود الشكر
وليت نور المدينــة مــا درى وإكتئب
وما طفى .. يوم قرب موعدك يالسفر
كن الأيام طفلــة .. تستحق العتب
تركض ولا درت باللي وقف منقهر
غابت من السماء شمس .. وبدا ينكتب
عالصدر .. وش كثر حبيتها .. وش كثر
داخل القلب بنت ٍ .. غارقــة بالأدب
ما تساوت مع باقـــــي بنـــات البشــــر
طيبــة .. ماتعرف إن المحبــة تعب
ناعمــة .. ما تعرف إن الغصن ينكسر
تبتسم .. تضحك الدنيا بليــا سبب
كنها .. مابغت تلقى وسيعة صـــدر !
غيرت طعم هالدنيا بطعم العنب
صار كل الكلام اللي تقولــه .. عـِـبــر
كل الأسماء .. وكل مــا سمّي و مـا إنكتب
زخرفــه .. لإسمها الجالس بعرش السـطـر
كنت أحبـه وأحب المــاء وأحب السحب
وصرت احبـه وأحب إسمــه وأحب السهر
لي متى ..والزمـــن قاسي وطبعه صعب
لي متى .. والفراق أردى رفيق ٍ حضر
لي متى .. أنتظر ريح التلاقي تهب
وتنقشع غيمـــة الغيبـــة .. وبرد السفر
الثلاثاء يوليو 05, 2011 10:08 pm
