كلام بياخد العقل عن شمس الغنية

صوتها اخترق الغناء الصعب وشلح موالوا الاجمل عجناح الميجنا علت الاوف وصابت كل قلب اسرتوا الغنية اللبنانية بصوت نجوى كرم
ولدت نجوى كرم بزحلة بلدة الكبار رجال الفكر الادب الفن والمواقف الوطنية يوم 26 شباط لفح الهوا الشرقي الخامة الجبلية السكراني بكروم العنب والدايمي بالحارات العتيقة والقرميد الاحمر تشرب الصوت مية البردوني قطّرالنغم ورفع كاس زحلة دار السلام ومربى الابطال تأثرت نجوى بالاصوات الحلوي بالبيت ومنها صوت الوالدة الخالة الجدة والعم تعلمت بزحلة وعلمت فيها واخدها طموحها وموهبتها للمعهدالوطني العالي للموسيقا وهنيك كان بانتظارها الفنان اللبناني الكبير زكي ناصيف اللي درسها الصولفيج والموسيقي البارع فؤاد عواد اللي علمها العزف عالة العود واداء الموشحات والادوار
بالخمسة وتمانين انطلق الصوت بكل ما بيحمل ثقة وضوى بليالي لبنان وفازت المشتركة نجوى كرم بالميدالية الدهبية عن فئة الغناء البلدي بليلة من احلى ليالي لبنان تمرجل الصوت الزحلاوي بالتسعة وتمانين عالغناء فكان البوم يا حبايب وبيتبعوالبوم شمس الغنية ويتوج الصوت الدافي والطلة المشرقة لنجمة بلون الشمس مطرح ما بتكون بتشع قوة واندفاع ودفاع عن الغنية ولبنان
شمس بتشرق من بقاع لبنان وما بتغيب الا لما بتريد هيّ انو تعطي متنفس لغيرها ليشعروا بوجودن بساحة تلونت بعينيها
وكبرت بصوتها
وتزينت بحضورها
19 عمل جمعوا نجوى بجمهور
عشق الغنية اللبنانية بصوتها ورافقها بنجاحات ما بتنسى نجاحات لونت ليالي المهرجانات بقدرة الصوت المتماسك والحضور المتمكن والطلة اللي لها بتلهف قلوب وعيون كتير المدن والعواصم والمهرجانات اللي لصوت نجوى فيها صولات وجولات واكتر من نجاح جرش قرطاج دبي القاهرة الكويت الجزائر المغرب وبلاد الاغتراب استراليا كندا امريكا حملت مفاتيح المدن الكبيري وتكرمت بكل مرة كرم صوتها الغنية اللبنانية ومشوار من المحبة والنجاح رافق نجوى ببلدها لبنان بكل زاوية ضيعة ومدينة
صوتها وموقفها بالفن وحب الوطن بتحفر بزاكرة لبنانها مواويل متوهجة وعناونين صارخة بتعبر عن انتماء هو خبزها اليومي وكرامي ما بتعرف الانكسار ووفاء بنفتقدو بزمن بيفتقد الاوفياء بين موضة الاغاني وموجة الفنانين وحرب النجوم نجوى كرم قدرة تكون حالة ثابتة وصوت اكيد ومشروع فني كبير انطلق من جارة الوادي ليصير جار الليالي الاحلى وشريك السهر عنغم الحب والحنين حنين لموال وغنية كانت وبعدها رح تبقى لبنانية

يا سلااااااااااااااااااااااام
واو وألف واو
أووووف وألف أوووووووف
روووووعة وألف رووووووووعة
ما شاء الله عليكي يا ست الكل
شكرا أخت رشا على الكلام المذهل
يعطيكي العافية

اهلا رايدن وشكرا على رايك الحلو

يسلم الايدين

شكرا عاشقة على الموضوع والكلمات الروعة
تحياتي لك

مرسي كتير عاشقة على الاهداء والقصيدة الحلوة
مرسي الك