السلام عليكم ورحمة الله وبركاته
كيف الجميع ان شاء الله بخير؟
والله ما بعرف شو بدي قول ومن وين بدي بلش
بس رح احكي بالموضوع ولا تلوموني اذا نسيت شي او ما عرفت كتبت لأني متوتر كتيييييير
يا جماعة يمكن اليوم يكون آخر يوم في حياتي كرمال هيك بدي ودعكم جميعا واحكي كل اللي بقلبي
يا جماعة غدا رح يصير عنا في طرابلس احتفال ضخم وتحديدا في معرض رشيد كرامي والمعرض بجانب بيتي تماما
والناس قادمين من مختلف المناطق اللبنانية ورح يكون في حشد كبيييييييير
والمشكلة أنو الحفل رح يضم اللي ضد الحريري واللي مع الحريري واللي مع نجيب ميقاتي واللي ضد نجيب ميقاتي وفلان مع فلان
والشارع عنا هلأ خالي من الناس وما في حدا بالشارع
والناس كلها خايفة وعم تهرب من بيوتها وتشتري بيوت خارج المنطقة
وكمان من التبانة وجبل محسن مستنفرين ومستعدين لأي شي
والله اعلم الكل عم يقول انو بدها تعلق ويصير مشاكل كبيرة
ومظاهرات وحرق لصور الميقاتي والحريري وما بعرف شو كمان
يمكن يدخلوا بموضوع سوريا ونصر الله كمان والله ما بعرف شي كلو خبيصة
والمشكلة انو الحزب القومي السوري مركزه مقابل بيتي تماما وهم مستنفرين كتييير ومستعدين لأي شي
يعني في احتمال 90% تعلق عنا ويصير متل حرب ومشاكل لأنو الناس كلهن يحبون المشاكل اللي عنا ودايما يردوا لبعضهم
الله يستر يا رب
يا جماعة أنا ما رح روح عالشغل بكرا كرمال اذا صار اي اعتداء على اهلي كون موجود ومستعد للدفاع مع اني ما معي سلاح بس بفضل موت قبل ما شوف اهلي عم يتعذبوا او يموتوا قبلي
بعدين نحنا ما رح نشتري بيت رح نبقى ببيتنا وشو ما بدو يصير يصير لأنو كل شي مكتوب علينا بدو يصير
يا جماعة والله انا متوتر كتييييييييير لا تواخذوني بس هيدي يمكن تكوت آخر كلماتي وانا بدي فش خلقي وطول بالكلام شوي كرمال ريح ضميري في حال صار عنا شي وما رجعتلكن
لازم تعرفوا اني بحبكن كلكن من كل قلبي ودايما بفكر فيكن ودايما انتم في قلبي وفي بالي
والله العظيم انا بعزكم وبحبكم وبعتبركن مش متل اخواتي لأ انتم اخواني واخواتي بالفعل
وانا تشرفت بمعرفة كل واحد فيكن
مش بس اللي في المنتدى وكل الناس اللي تعرفت عليهم كمان
يا جماعة انا يمكن الله ياخد أمانته بكرا وما اقدر اعود للمنتدى واحكي معكن مجددا
فحبيت قلكن اني بحبكن وبموووووووووت فيكن وبكل شخص
انا احبكم في الله وان شاء الله تدوم المحبة بينكم
ما بدي وصيكم
ما حدا يزعل من حدا ولا تتشاجروا او تنفعلوا ابدا والله الدنيي ما تسوى شي بالنهايو كلو رايح وكلنا رايحين وما في شي رح يدوم
عيشوا حياتكم بمحبة وانتوا كلكن اخوان واخوات وما حدا يحكي سياسة ابدا ما حدا يتعاطى سياسة ابدا لأنو يمكن يكون في شخص مع فلان وشخص تاني مع فلان تاني وتتشاجروا سوى بسببو
حبوا بعضكن واجعلوا الألفة والمحبة هم حلفائكم
نحنا والله كلنا اخوة واخوات وكل اللي عم يصير من اعمال الشيطان لأنو الناس ايمانهم ضعيف كرمال هيك عم تخرب البلاد العربية
كونوا مع ربكم لأنو الله لا ينسى عبيدو ابدا
والله ما بعرف شو بدي قول لسه انا كتيييير معصب ومتوتر ما بعرف كم مرو صرت قايل هالجملة ههههههههه
هالضحكة طالعة من قلب مقهور وحزين لأني رح اترك اعز احبابي واخواني واخواتي واصدقائي ويمكن ما اقدر اتواصل معكن من جديد
بتمنى تذكروني دايما بالخير
وانا بعتذر من اي شخص زعلتو او زعجتو بأي كلمة
وبعتذر اذا غلطت مع اي شخص
وبتمنى تسامحوني
وتدعولي بالرحمة اذا صرلي شي
انا بدي اذكر بالأسماء كل احبابي اللي تشرفت بمعرفتهم
تحية كبيييييييييييييرة الى:
عاشق ريحة نجوى-هادي كرم-ayah..نجة الصبح-سعودية وكلي فخر-الحالمة-معزوف الغرام-قيصر العشاق-maro-عاشقة شمس الغنية-مدمنة الملكة-lolo-سالي الشقية-love-كلنوش-باسم كرم-مشاري الحربي-linda karam-lilia karam-rayhana riri nk-ريكو العنزي-علوشي وبس-هيبة ملك-لشحد حبك-ayah love najwa-سارة عاشقة نجوى-الوفيي
وكل الناس وكل اللي تعرفت عليهم
وانا آسف اذا نسيت شي اسم بس والله كلكن بالبال والذكرى وفي قلبي دايما
بس لأني متوتر كتييييييير ما بعرف شو عم خبص هههههه
وهيدي يمكن تكون آخر ضحكة كمان اذكروا ضحكتي كمان ودايما اضحكوا ولا تزعلوا من بعضكم والله يديم المحبة والضحك مع الجميع يا رب
والله يحميكن ويحفظك ويعافيكن ويخليكن لأهلكن ويبعد عنكم اولاد الحرام
والله حاسس اني ما عم بقدر عبر عن كل مشاعري تجاهكم
بس هيدا كل اللي عم اقدر قولو
بتمنى لا تواخذوني
انا ان شاء الله المفروض يوم الأربعاء أو الثلاثاء ادخل المنتدى
اذا ما دخلت يوم الأربعاء المنتدى
ممممم
ادعولي بالرحمة واذكروني دايما بالخير وبس
ويمكن ما ادخل لظروف مريت فيها وما يكون صارلي شي
بس بكل الأحوال يمكن ما يصير شي كمان بس انا عم قول هيك لأني بعرف شو بيصير عادة ودايما بيصير مشاكل
بس كلو خير ان شاء الله
بتمنى ما كون زعجتكم بهيدي الرسالة لأنها طويلة
بس انا بدي احكي كل شي بقلبي
وان شاء الله ما كون نسيت حدا او نسيت شي وكنت حابب قولو
وبالنهاية بدي اختم بكلمة احبكم احبكم احبكم
كونوا مع ربكم ولا تنسوا ربكم أبدا لأنو ما رح ينساكم
والله بقدر ما هو غفور رحيم وهو كمان شديد العقاب
لذلك انتبهوا وديروا بالكن على حالكن
وانا رح ابعت هالموضوع في عدة اقسام في المنتدى كرمال الكل يعرف
وان شاء الله وانا اتمنى اني ارجع وشوفكن ونلتقي مجددا
الله يستر يا رب
ادعولي يا أحبابي
يلا السلام عليكم ورحمة الله وبركاته
السبت نوفمبر 26, 2011 2:09 pm
