قدر محتوم

السلااام عليكم

قصيده اعجبتني وحبيت تقروه مي

قدر محتوم

.. نفضت عنها غبار الذكريات ..





تخيلتك أمل .. وانتي زرعتي اليأس بسنيني
تخيلتك شعاع .. ونور .. واثرك ليلي المعتوم



رسمتك في حياتي حلم .. وانتي اللي محيتيني
وكان اجمل .. من احلام انتصار الفارس الشغموم



زرعتك في طريقي ورد .. وانتي اللي قطفتيني
عطيتك من وجودي .. كل صفوة وقتي المزحوم



وجيتك شايل جروحي .. وبيدينك تداويني
اثاري ان الدوا غالي عليه .. بس انا موهوم



زبنتك وقت روحي ترتجف .. طامع تدفيني
خذلتيني .. وانا رديت من برد الهوى محموم



بليتيني بنفسك .. وانتخيتي وانتحيتيني
وكنك تنتخين الزير سالم .. في زمن سلوم



وانا يا بنت .. والله .. لوانتخيتي .. واحتريتيني
عطيتك كل ما دوني .. وعشت بدنيتي محروم



سواد الغيم .. خِلْته في عيونك .. وامطرت عيني
وذابت صفحة الماضي .. على المستقبل المرسوم



غريبه .. بعد ما اعطيتك .. رموز اسمي تصديني
وانا اللي من عرفتك .. بعد حرفك منطقي ملجوم



مدام انك قويتي .. تنكرين اسمي .. وتنسيني
انا لا يمكن اضعف .. واسمحك .. في حقي المهضوم



ابرحل من عيونك .. في عيونك .. بعد عفتيني
واببقى في حياتك حلم .. يحييني .. قدر محتوم



وابسكن في ضميرك .. واحلمه حتى يصحيني
من اوهام الغرام .. اللي بقيت بسبته مغروم



واذا من السفر طوَّل .. نصيحه لا تباطيني
اببقى لا وصال يتم .. ولا حتى فراق يدوم



والى منك صدفتيني .. بدربك .. لا تناديني
تري بعض الجفا .. خيره . وبعض من الوفا مذموم



ابسقيكي من الكاس المرار .. اللي سقيتيني
وابشرب من نهاياتك .. حنين الحاضر المنهوم



وابتركي على نفس الطريق .. اللي تركتيني
وذوقي من معاناة الزمان .. وحرقة المظلوم



واجي لك .. واتهيا لك قريب .. ولا تشوفيني
وابنزع فرحة ايامك .. وابَدِّلها .. شقا وهموم



والى من الغرام اشتد .. ما بينك .. وما بيني
رميت بخافقي دونك .. وفي ذاتي قوي عزوم



اموت بصمت .. تحت اسمك .. واغيظك ما تغيظيني
مثل موت النخل .. شامخ بعين الكادح المضيوم



ولا ابقى في حياتك يأس .. يذبح ما بقى فيني
حياةٍ ما تثمن عزِّتي .. ما ني بها ملزوم



يكون اهون عليه .. من جفا عشقٍ يوطِّيني
وتبكيني عيونك .. واندفن في ناظرك محشوم



مصيرك تخضعين لعزِّتي .. واعتق شياطيني
وارقِّصْهَا على دمعك .. عزا .. فغرورك المرحوم



واذا منك خضعتي .. واعتذرتي .. واحتويتيني
ابسمح .. وامسح دموعك .. واصحح فيكي المفهوم



ولكن وان رجعتي .. كيف ابضمن ما تخليني ؟
اخاف يحن قلبك .. للشقا .. والماضي المهزوم



ابيكي توعديني .. وان وعدتيني .. توفيني
توِدِّيني .. وتبقي لي .. وانا .. وانتي على المقسوم



وابي حبك .. يحَرِّك فيكي طموحي .. ويحييني
وينعش في المحاني .. من غرامك قلبي المفطوم



رغم كل العنا .. والهم .. لا زلتي تهميني
ولا زالت ضلوعي رايمه .. للخنجر المسموم



ابرجع واخضع براسي .. على صدرك وضميني
واكون الحاكم .. اللي وان حكم .. في سلطته محكوم



واوَدِّع غربتي .. مدِّي كفوفك .. واستمديني
وابحيا في حياتك حلم .. واحياني قدر محتوم

راااااااااااااااااااااااائعة
شكرااااااااا

شكرااا يا رضا

مرورك الاروووع

حلللللللللللللللللوه مرررره..سلمتي

تكرميييي
شرفتي