سمير صفير يجدد الهجوم على نجوى كرم

في
حلقة جديدة من برنامج الموريكس دور عبر اذاعة جرس سكوب استضافت الاعلامية
هلا المر والاعلامي نيكولا داغر الملحن سمير صفير والممثل الشاب سامي أبو
حمدان.

تحدث سمير صفير عن خلافه الاخير مع الفنانة نجوى كرم الذي
حصل بسبب سؤال صحفي عن امكانية ان تكون نجوى كرم خليفة السيدة فيروز واجاب
"بكل تأكيد لا" وابدى رأيه بأغاني نجوى مما أشعل الحرب بينه وبين معجبيها
على موقع "تويتر"، وأكد صفير أنه هناك جهل فني فظيع
في العالم العربي ولبنان، وأن كل المهاجمين "هيك ربيو" و"اتحدى ان تطلع
نجوى تقول أني عرضت عليها لحن هيّ كانت تقلي يللا ايمتى بدنا نسمع شي غنية
من عندك".

وعن معجبي نجوى قال صفير "حبّن أعمى الها والمشكلة انو
صار عنا حب اعمى للمسؤولين والنجوم والسياسيين ولكل الناس وممنوع محاسبة
أحد.. هذا الأمر مرفوض.. نجوى كرم اكيد ما فيها تكون خليفة فيروز وانا مش
طالب منها تغني مصري بس مش الدني تيك تيك دوم وأغاني هيك وهيك..".

وأضاف صفير: "لازم نغني الأرض والوطن بيكفي انو تكون كل الاغاني عن الفخاد
والاجرين.. والقاضي ما لازم يحكم من براءة بالعيون.. الأغاني مثل أهم
قضايا المجتمع وممكن تدمر جبال" وأضاف: "نجوى كرم لما بدها تكون نجمة اولى
بلبنان لازم تعرف تختار مواضيع الأغاني وأنا بعتبرها قدوة للفنانات
التانيين وبتكل عليها حتى توصل فن منيح... التم الأعوج من الثور الكبير..
ما لازم نتفّه الجمهور، في مئة موضوع بالعالم العربي فينا نغنيهن" واستكمل
صفير حديثه "أنا بعتبر نجوى صارت بعمر لازم تغني شيء يفيد الجمهور"
و"الفانز جبروني أؤذي.. يروحو يضبضبوا معجبينن".

وتابع الحديث عن
الفن "فيروز فوق كتير وانا بحلم انو يكون في إلها خليف بلبنان ولازم
يبلشوا يحضروا حالن لحتى يعملوا مثلها" واضاف: "أحمد عدوية من اهم الاشخاص
اللي غنوا بمصر وفتح سوق الكاسيت هنيك.. هلأ بغني أغاني دون المستوى".

وبالحديث عن التلحين وعن اسباب الخلافات قال صفير: "أنا بدي اعتزل الفن
وبدي اعتزل التلحين وأعمل صحافي.. ما أنا أصلاً ما الي نفس لحّن.. 80
بالمئة من الاغاني هابطة بمعانيها.. اغنية ما عنا بنات تتوظف بشهادتها
بالعكس نحن بدنا البنت ما تتوظف إلا بشهادتها ما بدنا البنت غسالة
أوتوماتيك".

وعن الموريكس دور قال صفير أنه حصل عليها من خلال
أعمال كان قد شارك فيها من خلال كلمات او الحان "ما بدي ياها لجائزة
الموريكس دور وما كتير عم أوثق فيها.. شفت ناس أخذتها بتستاهل وناس ما
بتستاهل ولكن أحيي الأخوين زاهي وفادي حلو واتمنى ان تبقى المصداقية والبعد
عن المحسوبيات".

شكرا
ويعطيك الف عافيه

العفوووووووو ياااقمررر