ضيفة نجوى كرم استار صغار

بصراحة الأطفال كتير باردين وما الهن مواقف حلوة متل باقي الأطفال بغير حلقات...كنت متوقعة يكون في أطفال بمستوى الملكة بس للأسف مستغلين وجود الملكة لحتى الناس يتابعو الحلقة...

وبالنسبة لمقدم البرنامج سعيد هو ألطف انسان مع الأطفال أنا قابلتو شخصيا وشفت تعاملو مع الاطفال...روحو مرحة جداا وبيموت بالأطفال...وأكييد بتفق مع ماري بكل شي قالتو...

الملكة كانت مزعوجة بمستوى الحلقة كانت متوقعة مستوى اعلى بالنسبة للأطفال وأول الحلقة كانت جدا متفائلة....

ومية بالمية النتيجة فيها لعب لأنو الطفل البحريني كان أحسن طفل بالحلقة صوت رائع ومشي مع لحن الأغنية الصحيح بعكس باقي الأطفال...وكأنو العاملين عالبرنامج موصيين الفنان يدعم الطفل اللي بدو ينجح...يعني لاحظو نوال الزغبي وسميرة سعيد وملكتنا قالو للأطفال وقت التصويت للطفل اللي بدو يربح حطولوا علامات عالية...يعني القصة صارت كتير مكشوفة...الطفل البحريني انظلم...ونتيجة التصويت مفبركة..

وبالنسبة لغناء الملكة مع الأطفال أنا حسيت انو نجوى مو حابة ينتزع لحن الأغاني كانت عم تصحح للأطفال اللحن لأنها مو متعودة حدا يغني اغانيا بشكل خاطئ...وهيدي ردة فعل طبيعية وبحيي نجوى على هالشي لأنو هيك عم تثبت أنها معلمة فن من الدرجة الأولى...واكيد هيي مو محتاجة أبدا تقييم حدا ....

أنا حكيت رأيي وللأسف برأيي الحلقة مو بمستوى باقي الحلقات ... والأطفال أبدا ما بيناسبوا حلقة نجوى.والطفل اللي ضرب سعيد كتير كانت حركتو مو حلوة لا بحقو ولا بحق حلقة نجوى المفروض كانو يحذفو هالشي بالمونتاج ..المهم أنو نجوى هيي اللي كانت محلية الحلقة ولولا وجودا ما حدا حب الحلقة...

وآسفة عالاطالة بس عنجد كتير تفاجأت وانزعجت بعد بث الحلقة...


وبالنسبة للتصويت مارح صوت..لانو الحلقة برأيي ما وصلت لدرجة الممتازة للأسف حلقة جدا عادية..ولكن مميزة بوجود الملكة...

شكراا كتير الك مشاري عالموضوع...

الله يعطييييييييييييك العاااااااااااااااااااااااافية على الفديوهااااااااااااااات مشاري يسلمووووووووووو

انا معاكي اية فعلا الاطفال كانو مررررررررررة باردين كانت نجوى تبغى تسوي جو وهي تغني معاهم

لانها متعودة بحفلاتها يكون الجو حماااااااااس وحتى البرامج الي اطل فيها اما الحلقات السابقة انا ماشفتها

اي بتجنن شكرا كتير