Maro اميرة المنتدى
البلد : الجنسية : لبنانية الجنس : عدد الرسائل : 11774 العمر : 31 لبنان المزاج : heureux رأيك في الملكة نجوى كرم : Art is the queen تاريخ التسجيل : 23/06/2011 الاوسمة :
بطاقة شخصية بطاقة شخصية: (10/10)
| موضوع: هلا المر: جورج الصافي خود موقف جريئ .. دينا عزار شوفي حكيم لسمعك الخميس أكتوبر 20, 2011 9:54 pm | |
| في رصد خاص لموقع النشرة لبرنامج "عفواً يا حبايب" الذي تقدمه الاعلامية هلا المر عبر اذاعة "الجرس سكوب"، اطلت الفنانة ميسم نحاس وتكلمت عن مسلسلها "تقريباً قصة حب" والذي يعرض على شاشة الـ LBC، وهو العمل التمثيلي الأول لها في مشوارها الفني، ويشاركها في بطولته الممثل جورج خباز.
نحاس أكدت ان فكرة التمثيل كانت حاضرة في بالها، الا انها كانت تنتظر الوقت المناسب، وقالت: "كنت بجلسة مع الاعلامي روبير فرنجية وقلي انو حابب عرفك على المنتج مروان حداد، وتعرفت عليه وسألني اذا حابه مثل وقلتلو ايه، وخبرني انو التمثيل سيف ذو حدين وممكن يأثر بشكل ايجابي او سلبي، ورحت عملت كاستينغ وقبل ما كفي الخمس ادوار يلي عطاني ياهم قاطعني وقلي "خلص حاعطيكي ادوارك تحفظيهم" وهيك بلشنا سوا"، وعن المسلسل قالت: "المسلسل كوميدي، كتب من 3 سنين وبقينا نحضرلوا 6 اشهر". وعبرت نحاس عن فرحتها بالعمل مع الفنان جورج خباز، وقالت: "جورج خباز انسان محترف وعنده جمهوره وعندو شخصية".
وتطرقت المر خلال الحلقة عن المؤتمر الذي عقده كل من الفنان الكبير وديع الصافي ونجله جورج الصافي والفنان معين شريف، والذي اعلنوا من خلاله ندمهم للمشاركة مع الفنانة اصالة نصري في برنامجها، وقالت المر: "دعي الفنان وديع الصفي والفنان معين شريف ليكونوا ضيوف بالبرنامج يلي عم بتقدمو، ولما راحو في اعلامي صار يحركش بالقصة ويقول انو اذا راحوا لعندها يعني هنه سياستهم متل سياستها مؤيدة للثوار في سوريا، مع العلم انو مش ضروري يا حضرة الاعلامي انو يكونوا بيوافقوها الرأي السياسي اذا شاركوا معها ببرنامج فني بحت، انا شخصياً اتضايقت من التطاول على العملاق وديع الصافي واتهامه هوه وابنو بانو عم بتاجروا ويقبضوا مصاري، بالوقت يلي هيدا الاعلامي استضاف ناس ودفعلهم مصاري وهيدا الشي موجود اصلاً بالفضائيات بينما غير موجود بمحطاتنا الارضية"، واضافت: "الزميل نيشان ببرنامجو مايسترو كان يدفع للفنانين ليكونوا معو ووصلت المبالغ لحد الخمسين الف دولار ووقتها الفنان عاصي الحلاني قدمها لحلقتو هدية ومن دون مقابل، والاستاذ وديع الصافي حر ياخد من اصالة ملايين وحر يعطيها ياها ببلاش".
وطالبت المر من النقابة التحرك السريع للتدخل في هذه القضية لا سيما ان الذي يمس ويطال هو الفنان وديع الصافي الذي يجب ان لا يطال بأي كلمة والذي يجب ان يصان ويكرم، وقالت: "بمصر يلي بيتطاول على ام كلثوم بينحبس وبيتحاكم لانها اسطورة ولانها مكسب وطني، ولازم يكون الصافي بلبنان مثلها". وختمت المر بالتمني على آل الصافي وعلى الفنان معين الشريف بان يكونوا صارمين اكثر في مواقفهم وان لا يتراجعوا وان لا يخافوا وان يحسموا الامر وان يفرضوا رايهم السياسي الذي لا دخل له في البرنامج الفني ابداً.
وتناولت المر تصريح الفنانة نانا التي شبهت نفسها بالممثلة القديرة نبيلة عبيد، خاصة وانها قامت بالـ "ارضاع" في فيلم "البورنو" الاخير الذي صورته، وقالت المر: "نحن منشوف بالست نبيلة عبيد الام الحنون القديسة يلي بتمثل فكر الانوثة بس انت ايا فكرة انوثة وايا قداسة وايا ام، انت كان همك تبيني جسمك وتمشي فيلمك وتوزعيه على الناس ما فيكِ تقارني حالك بعبيد"، وتأسفت المر على هذا العصر الذي نعيشه وقالت: "صرنا بمرحلة الشخص ما بيعرف فيها لا ايمتو ولا حدودو ولا مستواه وبصير يقارن حالو بناس كبار"، وختمت: "لازم تشتغلي يا نانا وتعملي شي فيلم مرتب كرمال يكون الك مطرح بالتمثيل الهادف وتقدمي شويّة فن للناس، وانشاالله ترفعي اسم لبنان عالي اذا بتعرفي شو يعني الوطنية وشو يعني ترفعي اسم لبنان، يا ريت بتعرفي شو حدودك بالفن نحنا الاعلامين ما فينا نسكت عن خطأ هل قد فاضح".
وعن برنامج ديو المشاهير والفضيحة التي اطلقها بشكل عفوي وغير مقصود الممثل السعودي حبيب الحبيب لحظة خروجه من البرنامج، وقالت: "ما تكذبو علينا وتقولولنا انو صوتوا ليربح فلان وعلان لانو عارفين انو النتيجة مش مرهونة فينا، يعني بمصر في 80 مليون نسمة اذا صوّت 10 بالمية من الشعب بيعملو 8 ملايين بوقت انو لبنان بكل لي فيه 4 ملايين نسمة يعني مافي مقارنة"، واضافت: "عيب عليكم اذا ما بيربح كارلوس عازار لانو عم بقدم شي حلو ومميز، واذا ما ربح بكون اكيد في غش"، وعن هبة الأباصيري قالت: "هبه صارت بدها تستعطفنا وتبكي على التلفزيون ويصير بدها تنسحب لانو ما لحقت تعمل تمارين وتحججت بانو انسحابها كرمال الاوضاع بمصر بوقت الاوضاع كانت وقتها اكتر من هادية".
واكدت المر ان الملحن طارق ابو جودة والفنان عبدالله بالخير هما الركيزة الاساسية في البرنامج لما يقومان به، وقالت: "طارق بتحديه للجنة الحكم وطريقة تقديموا للاغاني والاشيا يلي عم يعملها على المسرح كتير حلوة ومهضومة وضمن اطار التهذيب، وعبدالله بالخير يضحك الجميع ويمتع المشاهدين باسلوبو المميز وطيبة قلبو وحبو للحياة".
وختمت المر حلقتها بمقدمة البرنامج ملكة جمال لبنان السابقة دينا عازار التي تجاهلت في الحلقة الأخيرة الاطراء الذي قاله لها الفنان محمد اسكندر وبيت العتابا الذي جاد به لاجلها وقالت لها: "محمد اسكندر بكل عفويته وفرحتو لانو على شاشة الـ LBC قدملك بيت عتابا وغازلك وانت بغير دنيي وما سمعتيه وما كانو موجود، عيب يلي عملتيه، يا انا قوليلو ميرسي يا اما عندك مشكلة وما بتسمعي وبدك حكيم او انك فاشلة كمزيعة مهيدا الشي مش لالك، يلي عم تعمليه شي عيب، بتسكّتي لجنة الحكم وبتسكّتي المشاهير وما بتسمعي لحدا، عيب يلي عم تعمليه". | |
|
REKO نجواني متطور
البلد : الجنسية : السعودي الجنس : عدد الرسائل : 556 العمر : 30 السعوديه المزاج : رائـــيق رأيك في الملكة نجوى كرم : مجنونك واليوم خاش لعيونك تاريخ التسجيل : 02/08/2011
بطاقة شخصية بطاقة شخصية: (10/10)
| موضوع: رد: هلا المر: جورج الصافي خود موقف جريئ .. دينا عزار شوفي حكيم لسمعك الجمعة أكتوبر 21, 2011 3:55 am | |
| | |
|
Maro اميرة المنتدى
البلد : الجنسية : لبنانية الجنس : عدد الرسائل : 11774 العمر : 31 لبنان المزاج : heureux رأيك في الملكة نجوى كرم : Art is the queen تاريخ التسجيل : 23/06/2011 الاوسمة :
بطاقة شخصية بطاقة شخصية: (10/10)
| موضوع: رد: هلا المر: جورج الصافي خود موقف جريئ .. دينا عزار شوفي حكيم لسمعك الجمعة أكتوبر 21, 2011 3:34 pm | |
| | |
|