بالفيديو بعد 26 سنة دوللي غانم تودع المشاهدين بغصة وحزن

تغطية خاصة بالفيديو- كلمة مؤثرة للإعلامية دوللي غانم تودع فيها المشاهدين مباشر على الهواء: انا صار لازم ودعكن وخبركن انو ما كان في داعي لكل هالجاسوسية
الأحد 30 تشرين الأول 2011، 37:15




محمد عنان وريتا برباري - بيروت : في بداية برنامج "نهاركم سعيد" صباح اليوم ودعت الاعلامية دوللي غانم المشاهدين واعلنت ان اطلالتها ليلة الجمعة ضمن نشرة الاخبار المسائية كانت الاخيرة ولفتت الى انها مستمرة حالياً في تقديم برنامج "نهاركم سعيد".

وفي كلمة مؤثرة جداً مليئة بالدموع والغصة قالت دوللي : "اسمحولي اعلن عن نهاية مسيرة عمل نهاية مسيرة استمرت 26 سنة بنشرة اخبار ال "ال بي سي" مسا الجمعة وبختام النشرة كان لازم ودعكن وخبركن انو هيدي كانت اخر نشرة بقدمها على شاشة ال ال بي سي –

طبعا بعز عليي كتير كان اني ودعكن وودع النشرة اللي عطيتها من عمري اكتر من نصو الحقيقة اللي كتار سألو عنها وبشكر طبعا اهتمامن وهي حقيقة بسيطة ما كان بدها كل هالضجة الاعلامية ولا كان بدها كل هالخبريات الجاسوسية ومصادر مخفية وسبق صحافي وغيرو ولكن الحقيقة بتقول

(لكن بالاخر في اخر في وقت فراق) انا بكرا مش رح ارجع مسيكن من خلال نشرة الاخبار بس رح ضلني بالوقت الحاضر صبحكن واتمنالكن نهاركن سعيد من خلال هالبرنامج حتى يحين موعد الفراق الاخير يمكن الدنيي تغيرت وانا ما تغيرت يمكن انا تعبت يمكن انتو تعبتو مني لكن بيكفيني انكن تابعتوني خلال 26 سنة ويمكن ما حدا سبقني عليها وطل عليكن من خلال نشرة واحدة ومحطة واحدة بشكركن وبشكر كل اللي حبوني كل اللي تابعوني كل اللي صدقوني وكل اللي وثقوا فيي تقبلوا مني الخبر المر متل ما تقبلوا الخبر الحلو كل هالسنين ان وياكن كنا بنفس القطار انا بدي اشكركن من جديد انا بحبكن وشكرا".

موقع بصراحة يتمنى لدوللي كل التوفيق على كل الصعد ويثني على مسيرتها الطويلة المليئة بالاخلاص والوفاء للمؤسسة التي عملت بها اكثر من عقدين على امل ان لا يقارف وجهك الشاشة التي نحن بحاجة اليه.

شاهد الفيديو


[/youtube]

المصدر -
http://www.bisara7a.com/#!ajax_readnews.php?id=7633

يعطيكي العافيه