يتداول معجبو الفنانة أصالة نصري هذه الكلمات بإعتبارها كلمات الأغنية الجديدة التي سجلتها والتي تنتقد فيها النظام الحالي في سوريا بشدة، وتحديداً الرئيس بشار الأسد، وحتى لو لم تسمي أصالة الأمور كما هي في الأغنية، إلا أن اللبيب من الإشارة يفهم، فكيف إن كانت الإشارة واضحة بهذا الشكل، ليبقى السؤال: هل تتخطى أصالة الخطوط الحمراء في اندفاعها ضد النظام الحالي وخاصة الأن مع أغنية قوية هي من كلمات رامي نصري وألحان أصالة نفسها وتوزيع علي النجار، وتقول كلمات الأغنية:
آه لو هالكرسي بيحكي كان بيصرخ كان بيشكي
وبيتأفأف وبيتلوع
ويمكن حتى ينوح ويبكي
هالكرسي عايف افطاسو
ماحدا عم بيعبي راسو
وكلو بيتغنى بإحساسو
وبالحقيقة كلو بيحكي
=====
هالكرسي بيعمل عمايل
بيعمل للأصلع جدايل
بيخفي لصحابو الرزايل
بركي بيصحو مرة بركي
عالكرسي صاحب معالي
سيفو على شعبو بيلالي
وبيعمل حالو نضالي
وبالمخفي عم يشرب وسكي
---------------
والي بيقعد ما بيتزحزح
ما بيتحرك ما بيتلحلح
وبأحلامو بيطير بيشطح
وبيقلك هالكرسي ملكي
-------------
ما بيتنازل عنو أبدا
ما بيتخلى عنو أبدا
وبيتمنى يضلو أبدا
مع أنو ما بيعرف يحكي
---------------
هالكرسي بطل يتحمل
والباشا كل مالو بيتقل
ولما الكرسي قالو ارحل
صار الباشا ينوح ويبكي
---------------
الموال :
كل الكراسي تكسرت .. من درسك تعلم
كل العلم ما بينفعك ...
والشعب بطل يسمعك
وكل القتل ما بينفعك .. كان فيك تتعلم
سكتنا كتير عالظلم ،
لاتقول ما عندك علم .. لما الجرح علم
بدي بصراحة انصحك،
تبقى مارح تزبط معك.. لك روح وتعلم
شفلك حدا بيرضى القهر
ناسي الكرامة من دهر
نحنا انقهرنا والقهر.. خلانا نتعلم.
الثلاثاء أغسطس 30, 2011 11:48 am
